قــــوول الحــقـيقـه صـــــراحــه ام وقـــاحــه؟؟؟؟ . . . . أبي رايــكـم

بســـــــــــم اللـــــــــه الرحمـــــن الرحيــــم



ادخل بالمـــوضوع ع طوووول
كثير ناس يقولون لك .. انا احب الصراحه وماحب اللف والدوران .. فانت تقول عنهم .. الله هذول ناس فاهمه ومثقفه ..
وبعدها تقول بكل برائه رايك فيه وبكل صراحه .. فجاه تلاقي الطاولة انقلبت عليك والكراسي تتطاير من فوقك والصراخ واصل لاخر الشارع


وينهي كلامه بكلمة ............. انت وقح ..
...........................................انتي وقحه
..............................................انتم وقحين

حرام والله حرام .. انا شسويت ..؟؟


صراحه بديت احس ان هالايام .. المجامله هي اللي تقوي العلاقه بين الناس ..


يعني لا بغيت اقول رائي في احد وبكل صراحه وبكل ذوق وادب مهما حاولت اكون مؤدب ..

الا ان الانسان اللي قدامي مايبلع الكلام ..


يعني يعني بضرب لكم مثل ..


واحد متزوج وقاعد يقرا الجريده دخلت عليه زوجته وهي لابسه فستان بيجيبله المرض يلوووووووع الكبد ..

الرجال انصرع ويييع .. قالت له : حبيبي شرايك فيه مو حلو .. وهي ياحياتي تدور حول نفسها

الرجال لايعه كبده : هــاهـ ؟؟

الحرمه : يلا قول وياريت ماتجامل امانه قول الصدق

الرجال بقلبه يوه هاذي قالت امانه .. يعني لازم اقول لها الصدق..

والله شوفي هو يعني اممم

مووو حلووو كلــــــــش ولا حلو عليك .. ليش اول مرة يصير ذوقك كذا .. روحي واللي يعافيك بدليه لوعتي كبدي

هي اول مايقول لها كذا الدموع تتجمع بعيونها وتبدا تصرخ .. اساسا انت ماعندك ذوق اجل هاذا مو حلووو .. وخر بس انا ماحبك ههههه وتركض زعلانه على غرفتها .. ويبتلش فيها الرجااااال ويمكن يقول لها لبسيه بس عشان ماتزعل هههههههههههه

فوالله هالسالفه معقدتني ..

لا انت اللي عايش بمجتمع يتقبل النقد .. على شان امة ترتقي لازم تتقبل النقد وتغير من نفسها

اما لو كل شخص شاف نفسه انه صح وكل اللي يسويه هو الصح .. بحياتنا ماراح نرتقي .. صح ولا لا؟؟


يعني تعيش وانت تجامل فلان وعلان (( وتصير حياتك كلها كذب × كذب ))... وتلاقي احبابك كلهم حولك

ولا تعيش بقول الصراحه والحقيقه (( وتصير مرتاح بحياتك لقولك الحقيقه )) ... وتلاقي نفسك محد حولك ولا احد يبيك


هاذا شئ جد يحير


انتو شو رايكم

تحياتي لكم أخوكم /ٳڸڼـــ (۾)ـــڛ

شوووف اخوي النمس على قولتك هالايام المجامله كثيررره في مجتمعنا...
بس بصراااحه انا امشي على حكمه الي هي صديقك من صدقك وبالعكس فيه ناس تحب الصريح وناس تحب المجامل..
والمجامله شيء لابد منه بس في حدود المعقول مو تتجاوز لحد الكذب..
مثلا رحت تشتري انت وخويك ملابس اشترى تي شيرت لابسه قال هااه كيف يا فلان تقول له مررره حلوو وهو مو حوله مرره زفت..
هذي تعتبر كذبه وليست مجامله..
اما قصة الزوجه فالزوجه لازم تجاملها بس زي ما قلت في حدود المعقول بس لو الفستان على قولتك مو حلو عليها..
مو تعطيها في وجهها تقول مو حلو لا كذا بتزعل جيبها بطريقه رومنسيه فنيه...
مثلا تقول حلوو عليكي بس اشوف لو لونه كذا وشكله كذا بيطلع احلى واحلى يعني بالطريقه ذي..
هذا رايي وتقبل مروري..
ودمت بود..

انت صادق في قولك يالغالي لاكن انا اشوف الصراحه في هذي الايام قليل من يتداولها

ومشكووور على مروورك الاكثر من رائع

صادق قله قليل الي يتداولها..
بس هم الي عايشين صح لانو اذا بتقعد طول حياتك تجامل تجامل الين متى...
تقبل الراي دمت بود ..

مشكووووووووووووووووووور

على مرووورك اخوي غرام

شوف في شئ احسن من انك تقول الحقيقه المره وتزعل غيرك مثلاً انتا شفت الفستان مو حلو تمام بس اكيد حيكون في شئ حلو على طول طيح في الشئ الي عجبك مدح الين ما تروح عنك .






تقبل مروري

موضوعك مرررررررره ناااايس وهو واقع في مجتمعنا .....

بس بصراحه بعض الاحيان تجامل غصبا عنك وهي في الواقع الصراحه صارت تزعل للناس اللي ما يعرفو كيف يوصلو رايهم للشخص اللي امامه ....

لازم كل واحد في المجتمع يكون له طريقه يعرف كيف يوصل به رايه للشخص اللي امامه بدون ما يجرح مشاعره او يذمه وبشكل عنيييف .....

وايضا ع الشخص اللي يطلب راي الناس يتقبل الامر بصدر واسع ويرضى برايه ...

<<كل انسان يرى الناس بعين طبعه >>

تقبل مررررروري ويعطيك العافيه <<قد رجعت لكم >>