ܓܨكبير الحظ من حافظ على نفسه من المنقودܓܨ

سألت النفس ليه الناس ذا حاسد وذا محسـود
ووهّاب المـلا واحـد وعــدلـه ســـابـق احسانـه

قسم بالعدل بين الخلق لاضاهـد ولا مضهـود
وتفضيل الورى بالرزق مـن حقـه وذا شانـه


بسط كفه لبعض الناس واغناهم عظيم الجـود
وناس حالهم مستـور فـي ضفـه وسلطانـه

مريح البال من يقنع بحظه لـوه كسـرة عـود
غني النفـس ماهمـه ثـرا غيـره وحرمانـه

يعيش براحة الإيمان راضي والرضـى محمـود
قــــريـر العيـن مايــغبـط ولاكســـرى بايــــوانـه

إلى ضاقت رفع طرفه وكفـه للسمـاء ممـدود
ولايجـزع مـن اقـداره وحكـم الله وميزانـه

ترى بعض العوز رحمه على العابد من المعبود
ومـن يــدري لعـل القـل يحجـب عنـــه نيرانـه

وترى بعض الثرا شر(ن) على الغافل ولابه فود
ولايضمـن ثـــرّي الحـال عفـو الله ورضوانـه

وترى طبع الحسد والظلم من طبع القلوب السود
واهلها عن سبيــل الخيـر مصروفـه وعميانـه

جميع اعضاك ياابن ادم وكلماتك عليك شهـود
وكل خطاك يحسبهـا عليـم السـر سبحــانـه

تذكر قول مـن ذكـره وقرآنـه يهـد الطـــود
ألا ياويل من غـره هـوى نفسـه وشيطانـه

كبير الحظ من حافظ على نفسه مـن المنقـود
وعن جملة جميع الناس كـف ايديـه ولسانـه